2009թ. դրությամբ ամբողջ աշխարհում կային բնական գազով ավելի քան 11 մլն ավտոմեքենաներ:
Բնական գազով տրանսպորտային միջոցները ամենալավ պահված գաղտնիքներից են ամենուր, բացի ԱՄՆ-ից, Բրազիլիայից և Հնդկաստանից, որոնք փորձում են տարածել տեղեկատվություն այս մաքուր այրվող հանքային վառելիքի հետ կապված առավելությունների մասին: Միլիոնատեր Տ. Բոոն Պիկենսը նույնպես փորձում է մասնակից լինել այդ գործընթացին:
Առաջին բնական գազով մեքենայի պատմությունը այդքան էլ հայտնի չէ, որքան ժամանակակից շատ մեքենաներինը: Ամբողջ աշխարհի գիտնականները, ինժեներներն ու գյուտարարները դարերի ընթացքում փորձարկել են այլընտրանքային վառելիքի տարբեր տեսակներ: Առավել հավանական է, որ առաջին բնական գազով մեքենան հայտնաբերվել է այն մեկի կողմից, ով նաև փորձարկումներ է կատարել ջրածնով, բենզինով և բիովառելիքներով:
Հայտնի է, որ արդեն քսաներորդ դարի 30-ական թվականներին իրոք սկսել են լայնորեն օգտագործվել գազով մեքենաները: Այս նույն մեքենաներից շատերը կարողանում էին աշխատել նաև արհեստական գազով:
Երկրորդ համաշխարհային պատերազմից հետո չմշակված նավթի օգտագործման ընդլայնումը դուրս մղեց բնական գազով մեքենաների օգտագործումը ԱՄՆ-ից, բայց Եվրոպայում նման մեքենաների հանդեպ կար մեծ հետաքրքրություն և այնտեղ մեծ մասամբ օգտագործվում էին հենց բնական գազով մեքենաներ: Հարկ է նշել որ ԱՄՆ-ում բնական գազով մեքենաները երբեք էլ ամբողջությամբ դուրս չեն եկել գործածությունից: Կալիֆոռնիայում, որտեղ մեքենաների թողարկման ստանդարտները ամենախիստն են, շատ ավտոբուսներ շարժվում են բնական գազով:
