Հայաստանում ավտոտրանսպորտի պայթյունների 99%-ը տեղի է ունենում գազաբալոնների անորակության պատճառով: Մեքենաներից շատերը շարունակում են օգտագործել 90-ական թվականներին կցված հին գազաբալոնները, որոնց շահագործման ժամանակը 15 տարի է: Այս մասին զգուշացնում
են ոլորտի փորձագետները:
Մասնավորապես ԱԳԼՃԿ կոմպրեսատորներ (ճնշակներ) և գազաբաշխիչ աշտարակներ արտադրող ընկերության տնօրեն Ռոբերտ Թովմասյանի կարծիով, այսօր շեշտը դրվում է գազալցակայանների տեխնիկական փորձաքննության վրա՝ անուշադրության մատնելով գազաբալոնները: Նա նաև հավելել է, որ գազային ճնշակներն առավել անվտանգ են, դրանց պատճառով պայթյուններ գրեթե չեն գրանցվում, քանի որ դրանք հագեցած են ավտոմատ համակարգերով և նախատեսված են կոնկրետ բնական գազ սեղմելու համար, իսկ գազաբալոնների տեխնիկական վիճակի վրա կործանարար ազդեցություն են ունենում բարձր ճնշման լիցքավորումն ու անորակ գազը:
