Ձմեռը տարվա բարդ եղանականերից է ոչ միայն մարդկանց համար, այլ նաև մեքենաների: Բացի բոլորին հայտնի խնդիրներից, ձմռանը մեքենայի համար առավել վտանգավոր են աղերը և ռեագենտները, որոնցով ծածկում են ձյունը՝ մերկասառույցից խուսափելու համար: Դրանք կուտակվում են մեքենայի տակ, թափքին՝ ազդելով մեքենայի մակերեսի և երկաթի վրա, ինչն արդյունքում նույնիսկ նոր մեքենան կարող է վերածել ժանգոտ և մաշված մեքենայի:
Սակայն կան մեքենաների որոշ մոդելներ, որոնք ի վիճակի են դիմակայել ձմռան փորձություններին և ժամանակից շուտ չմաշվել: Փորձագետներն առանձնացրել են 3 ամենահուսալի մեքենաների մոդելները:
1.Volvo. Առաջին հորիզոնականում տեղ է գտել շվեդական Volvo ապրանքանիշը: Այս մեքենաները վստահորեն դիմադրում են աղին և ռեագենտներին, իսկ թափքը չի մաշվում և ժանգոտվում շուրջ 20 տարի:
2. Audi. Հաջորդը գերմանական Audi ֆիրմայի մեքենաներն են, որոնք նույնպես երկար դիմակայում են շահագործման նույնիսկ ամենադաժան պայմաններում:
3. Peugeot, Renault. Ֆրանսիական մոդելի մեքենաները միշտ հայտնի են եղել իրենց որակով, այդ թվում նաև՝ լաքապատման ծածկույթի որակով: Այս մեքենաները համարձակորեն դիմակայում են ձմռանը, բայց, իհարկե, չպետք է մոռանալ լրացուցիչ խնամքի մասին:
Ոլորտի փորձագետները նշում են, որ ավտոմեքենայի կյանքը կարելի է երկարացնել. դրա համար խորհուրդ է տրվում ժամանակ առ ժամանակ թափքի վրա քսել ժանգի դեմ պաշտպանիչ շերտ: Մի շարք եվրոպական ավոտարտադրող ընկերություններ պատում են մեքենան այդպիսի հատուկ շերտով, իսկ որոշները՝ ոչ: Առավել հաճախ հակամաշվածության ծածկույթը բացակայում է ճապոնական մեքենաների մոտ, ինչը բացատրվում է նրանով, որ այդ երկրներում չեն լինում ձյունառատ և դաժան ձմեռներ:
