1. ԳԲՀ-ն պայթում է մեքենայի մեջ:
Սա ամենատարածված և սարսափելի միֆն է, որն իրականում ունի շատ պարզ պատասխան: Գազի բալոնն ավելի ուշ է պայթում, քան բենզաբակը: Այսպես. բալոնը հնարավորություն ունի դիմանալու մինչև 16 ատմոսֆեր ճնշման: Վթարի ժամանակ բենզինի բակն ավելի շուտ կդեֆորմացվի, քան գազի բալոնը: Բացի դրանից, գազաբալոնային սարքավորումն ունի հատուկ անվտանգության փական, որը վթարի դեպքում փակում է գազի արտահոսքը: Հիշեք, որ գազին ավելի երկար ժամանակ է հարկավոր, որ այն պայթյունավտանգ դառնա, իսկ բենզինի ծակ խողովակից դուրս եկած թեկուզ մի կաթիլ բենզինը կարող է պայթել նույն վայրկյանին:
2. Գազաբալոնային սարքավորման սպասարկումը հավասարվում է բենզինի ծախսին:
Իրականում որակյալ համակարգը պատրաստ է ծառայել երկար տարիներ: Որակյալ համակարգի դեպքում սպասարկումը գրեթե նույն գինն է ստացվում: Այդ պատճառով կարևոր է ի սկզբանե տեղադրել բարձրորակ սարքավորում և միայն մասնագիտացված սրահներում:
3. Այլ երկրներում վարելը շահավետ չէ:
Սա ևս միֆ է, քանի որ հիմա ցանկացած երկրում հեշտությամբ հնարավոր է գազալցակայան գտնել: Անհրաժեշտ է միայն ձեռք բերել տվյալ երկրի համար նախատեսված ադապտեր (переходник):
4. ԳԲՀ օգտագործելուց շարժիչի հզորությունն ընկնում է:
Իրականում եթե մեքենան սարքին է, ապա ամեն ինչ կարգին է և հզորության տատանում չի լինի: Ժամանակակից գազաբալոնային համակարգերը կարողանում են ծրագրավորել այնպես, որ նույնիսկ մեքենայի վարորդը դժվարությամբ է կարողանում տարբերել գազի ու բենզինի տարբերությունը:
5. Գազի բալոնը զբաղեցնում է բեռնախցիկը:
Ժամանակակից ԳԲՀ-երի համար նախատեսված են հատուկ բալոններ, որոնք տեղավորվում են պահեստային անվադողի փոխարեն: Եվրոպական շատ երկրներում դրանք լայնորեն կիրառվում են:
6. Գազով աշխատող մեքենաներից անպակաս է գազի հոտը:
Սա հնարավոր է այն դեպքում, եթե մեքենայում տեղադրված է անսարք գազաբալոնային համակարգ: Նույնը կլինի, եթե բենզինով աշխատող մեքենան խնդիր ունենա, մեքենայից բենզինի հոտն անպակաս կլինի:
