Ամերիկյան Hexagon ընկերությունը հունիսի 26-ին World Gas Conference 2018 ցուցահանդեսին ներկայցրեց իր նոր աշխատանքը՝ Mobile Pipeline® շարժական լիցքավորման կայան TITAN®53 մոդուլով, որը կազմված է աշխարհում ամենախոշոր կոմպոզիտ բալոններից: TITAN®53 մոդուլներն արտադրվում են շուրջ 10 տարի և կարող են տեղափոխել գազային վառելիքի նշանակալի ծավալներ սեղմված վիճակում՝ սեղմված բնական գազ, ջրածին կամ այլ արդյունաբերական գազեր:
Նոր, ավելի թեթև քաշով բալոնները 53-ֆուտանոց (16.15 մետր) մոդուլով կարող են տեղափոխել ավելի քանի 13000մ³ ծավալով գազ, ընդ որում, բեռնավորված մեքենայի ընդհանուր քաշը չի գերազանցի ԱՄՆ-ում սահմանված չափը՝ 32 տոննա: Այս մոդուլի կիրառման ոլորտներից են բնական գազի փոխակերպումը՝ արդյունաբերական մասշտաբներով, գազային «կղզյակները», մեքենաների լիցքավորումը և գազի փոխադրումը:TITAN®53-ը օրինակն է այն բանի, թե ինչպես է Hexagon ընկերությունն օգտագործում կոմպոզիտ բալոնների տեխնոլոգիան վառելիքի տարբեր տեսակների համար՝ CNG (սեղմված բնական գազ), պրոպան, ջրածին և այլն:
Hexagon ընկերությունն ունի նաև հրթիռների, լոկոմոտիվների, նավերի և մեքենաների վրա վառելիքային մոդուլների կիրառման փորձ: Mobile Pipeline® շարժական լցակայանի վաճառքները 2017 թվականի ընթացքում հասել է շուրջ 1100-ի:
