Ավտոմեքենաների վրա գազաբալոնների տեղադրման կարգը խստացնելու
վերաբերյալ նոր օրենսդրական նախագիծն արդեն դրվել է www.e-draft.am իրավական ակտերի նախագծերի
հրապարակման միասնական կայքում: Սա նշանակում է, որ վարորդները պետք է պարտադիր ունենան
մեքենայի գազաբալոնի անվտանգության վկայագիր, և գազալցակայանի աշխատողը վարորդից պետք է պահանջի դրանք, հակառակ դեպքում՝
չի լիցքավորի: Արտակարգ Իրավիճակների նախարարության Տեխնիկական անվտնագության ազգային կենտրոն ՊՈԱԿ-ի
տնօրենի տեղակալ Վլադիմիր Հովսեփյանի խոսքով գազալցակայաններում գրանցված դեպքերի հիմնական պատճառը գազաբալոնի մաշվածությունն
է, ժամկետանց ու չփորձարկված լինելը: Պայթյունների 90%-ը տեղի է ունենում թվարկված
թերությունների հետևանքով: Օրենսդրական նախաձեռնությամբ առաջարկվում է, որ գազալցակայանում
լիցքավորելու ժամանակ պետք է պահանջվի հատուկ փաստաթուղթ, որը փաստելու է գազաբալոնի
փորձարկված լինելը, որից հետո հնարավորություն կտրվի գազաբալոնը լիցքավորել: Խստացվելու
է նաև տեղադրման գործընթացի վերահսկումը. գազաբալոնային համակարգ տեղադրող ընկերությունները
պետք է տեղադրեն միայն փորձարկված բալոններ: Նախագծում ամրագրված է, որ գազաբալոնների
պարբերական վկայագրման պահանջները խախտելու դեպքում նշանակված է տուգանք 100 000-ից
մինչև 300 000 դրամի չափով, իսկ գազաբալոնային սարքավորումների տեղադրման կամ
վկայագրման կարգի պահանջների խախտմամբ էլեկտրոնային համակարգ մուտքագրելը վկայագիր
տրամադրող կազմակերպությանը կամ անհատ ձեռնարկատիրոջը կտուգանեն 500 000դրամի
չափով: Մեկ տարվա ընթացքում նույն խախտումը կատարելու դեպքում վարչական տույժը կկազմի
1 000 0000 դրամ:
Գազ ֆորեվր Լիլիան
Գրուպ ընկերությունում հիմնականում տեղադրվում են նոր գազաբալոններ, իսկ օգտագործված
բալոնների դեպքում վարորդը պետք է ներկայացնի փորձարկման վկայականը. տեղադրելու դեպքում
պարտադիր տրամադրվում է վկայագիր: Գազալցակայանում առանց վկայագրի լիցքավորման դեպքում
նախատեսվում է տուգանք 1 000 0000 դրամի չափով, 1 տարվա ընթացքում նույն արարքը
կրկնելու դեպքում՝ 3 000 0000 դրամ: Վարչական տույժը պետք է վճարվի գազալցակայանի
ղեկավարության կողմից: Առաջարկվում է, որ ԱՊՊԱ պայմանագիր կնքելու ժամանակ տվյալների
էլեկտրոնային համակարգի միջոցով ստուգվի գազաբալոնների պարբերական վկայագրված լինելու
հանգամանքը և դրա բացակայության դեպքում պահանջվի պարբերական վկայագրում անցած լինելու
վերաբերյալ հավաստում:
Միայն
2012-2018թթ ընթացքում տեղի ունեցած 91 դժբախտ պատահարների գերակշռող մասի համար հիմք
են ծառայել անորակ գազաբալոնները: Վերջին 6 տարվա ընթացքում գազալցակայաններում գրանցվել
է 23 հրդեհի դեպք, զոհվել է 2 մարդ: Նույն ժամանակահատվածում գրանցվել է նաև 537 պայթյուն:
Օրենսդրական
այս նախագիծը դեռևս պետք է քննարկվի ԱԺ կողմից, որից հետո նոր կմտնի ուժի մեջ:
Գլխավոր / Նորություններ
|
26/04/2018 /
|
15/09/2020 Իսպանիայում ավտոգազի ենթակառուցվածքն ընդլայնվում է, իսկ տրանսպորտային միջոցներն՝ ավելանում
Ըստ իսպանական Ircongas մասնագիտացված ընկերության` հեղուկ գազ (LPG) առաջարկող լցակայանների ցանցը երկրում շարունակում է աճել։ Սա մի կարևոր գործոն է, որը ստիպում է, որպեսզի ավելի ու ավելի շատ վարորդներ հավատարիմ մնան իրենց տրանսպորտային միջոցները այս այլընտրանքային վառելիքին հարմարեցնելուն գործին:
Չնայած էլեկտրական մեքենաները ապահովում են ավտոշուկայի էկո-անցումը, սակայն դրանք ավանդական վառելիքի միակ այլընտրանքը չեն․ փոխադրամիջոցների՝ ավտոգազի փոխարկումը մեկ այլ լուծում է կայուն ու շարժունակ մոդելների զարգացման ճանապարհին, քանի որ գազն այսօր առկա ամենաարդյունավետ այլընտրանքային վառելիքներից մեկն է։
Հեղուկ գազը՝ LPG-ն, շարունակում է մնալ աշխարհում առավել լայնորեն տարածված այլընտրանքային վառելիքը, որն օգտագործվում է ավելի քան 27 մլն տրանսպորտային միջոցների կողմից: Իսպանիայում արդեն ավելի քան 100․000 վարորդներ իրենց մեքենան հարմարեցրել են ավտոգազին կամ գնել են այս մաքուր վառելիքով աշխատող նոր մեքենաներ: Գազալցակայանների թիվը երկրում շարունակում է աճել և ներկայումս հասնում է ավելի քան 600-ի, ինչը թույլ է տալիս այս տիպի տրանսպորտային միջոցներ ունեցող վարորդներին շրջել Պիրենեյան թերակղզում՝ առանց ավելորդ անհանգստության կամ խնդիրների։
20/07/2020 Էլեկտրամոբի՞լ, թե՞ գազով ավտոմեքենաներ. Ո՞րն է ավելի ձեռնտու
Գազը, որպես ավտովառելիք, զարգացման մեծ հեռանկարներ ունի աշխարհում, ինչն առաջին հերթին բացատրվում է նրա մատչելիությամբ, պահանջվող փոքր ներդրումներով և վտանգավոր արտանետումների ցածր մակարդակով։ Այս մասին վերջերս տված հարցազրույցում հաստատել է ավտոգազի արտադրության եվրոպական առաջատար ընկերության՝ Westport Fuel Systems-ի տնօրեն Բարտ վան Իռլին։
14/07/2020 Մինչև 2024թ․-ը Ռուսաստանում ավտոգազի շուկան էականորեն կաճի
2020-ից մինչև 2024 թ․-ը ՌԴ կառավարությունը 50 մլդ ռուբլի կհատկացնի գազաշարժիչների արդյունաբերության զարգացմանը: Նախատեսվում է նաև տարեկան 3,5 մլրդ՝ բենզալցակայանների զարգացման և 700 մլն ռուբլի՝ ավտոպարկի վերազինման համար: Ինչպես վերջերս տեղեկացրեց ՌԴ Էներգետիկայի փոխնախարարը, 1-ին փուլում ծրագրի մեջ կներառվեն 27 ռեգիոններ, որտեղ շարունակվում է գազալցակայանների ենթակառուցվածքների զարգացման գործընթացը:
09/07/2020 Ավտոգազի շուկան ԱՄՆ-ում շարունակում է աճել
ԱՄՆ գազի արդյունաբերության երկու խոշոր ընկերությունները՝ AutoGas Alliance-ը և Roush CleanTech-ը, ներկա իրողություններից ելնելով, վերանայել են իրենց ընթացիկ ծրագրերը՝ ներկայացնելով որոշ նոր արտադրանքներ ու նախագծեր: Երկու ընկերությունների ղեկավարներն այն կարծիքի են, որ գազի ծավալների ավելացումը, որպես ավտովառելիք, կարող է ծախսերի կրճատման ու շրջակա միջավայրի բարելավման հնարավորություններ ստեղծել։