Վերջերս ՀՀ արտակարգ իրավիճակների նախարարությունում կայացած հերթական ամենշաբաթյա խորհրդակցության ժամանակ նախարար Հ. Ռոստոմյանը ներկայացրեց Ռուսաստան կատարած աշխատանքային այցի արդյունքները: Հունիսի 6-8-ը Մոսկվայում անցկացվեց «Համալիր անվտանգություն 2018» խորագրով անվտանգության ապահովման միջոցների 11-րդ միջազգային ցուցահանդեսը, որին մասնակցություն ուներ նաև Հայաստանը:
Նախարար Հ. Ռոստոմյանը նշեց, որ քննարկվել են արտակարգ իրավիճակների կանխարգելման ու հետևանքների վերացման ուղղությամբ համագործակցության խորացման հարցեր, մշակվել են համագործակցության նոր ծրագրեր:Այժմ ստուգումներ են ընթանում ՀՀ մարզերում շահագործվող շարժական գազալցակայաններում, որից հետո հանձնարարված է մանրակրկիտ ստուգումներ իրականացնել նաև Երևան քաղաքում շահագործվող բոլոր ավտոգազալիցքավորման ճնշակայաններում և հրդեհային ու տեխնիկական անվտանգության նորմատիվ-իրավական փաստաթղթերի պահանջների խախտումների դեպքում կասեցնել կայանների շահագործումը՝ անկախ պատկանելիությունից:
