Հաշվի առնելով մի շարք երկրների լուրջ մտադրությունները վառելիքի ծախսի սպառման նվազեցման վերաբերյալ՝ կարելի է փաստել, որ տրանսպորտի ոլորտում էլեկտրական հեղափոխությունն ընթանում է լիարժեք տեմպերով:
Չնայած այն բանին, որ այս անցումը չի կարող միանգամից տեղի ունենալ, այնուամենայնիվ, խոշոր ավտոարտադրող մի շարք ընկերությունների ղեկավարները կարծում են, որ ավտոմոբիլային աշխարհը կդառնա էլեկտրական շատ ավելի շուտ, քան մենք կարծում ենք:
Peugeot ընկերության գլխավոր տնօրենը 2017թ. նոյեմբերին հայտարարեց, որ ֆրանսիական ավտոարտադրող ընկերությունն արդեն 2025 թվականին կարտադրի միայն էլեկտրամոբիլներ և հիբրիդներ:
Նախորդ տարվա նոյեմբերին Fisker Inc. ընկերությունը ցուցադրեց իր առաջընթացը էներգիայի նորարարական աղբյուրների ոլորտում՝ ներկայացնելով պինդ մարտկոցներ, որոնք լիցաքավորվում են մի քանի րոպեում և ապահովում մեքենայի աշխատանքը մինչև 800կմ: Ընկերությունը պլանավորում է սկսել զանգվածային ներկայացնել այդ մարտկոցներն արդեն 2023 թվականին, այդ պատճառով էլեկտրոմոբիլները կկարողանան լիցքավորվել հաշված րոպեներում:
