Վերջերս լրագրողների հետ հանդիպմանը ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը հայտնեց, որ գազի գնի վերաբերյալ հայ-ռուսական հարաբերություններում որևէ լարվածություն չկա և չի լինի, քանի որ հայ-ռուսական հարաբերությունների լարված իրավիճակը չի կարող ազդել գազի գնի վրա:
Նշենք, որ 2018 թվականին լրանում է ռուսական բնական գազի մատակարարման համաձայնագրի ժամկետը, նախատեսվում է սկսել բանակցություններ և անել ամեն ինչ՝ գազը ավելի ցածր սակագնով ստանալու համար։
Անդրադառնալով իրանական կողմի հետ բանակցություններին էլեկտրաէներգիան գազի հետ Իրանի հետ բարտերով փոխանակելու շուրջ՝ նախարարը նշեց, որ Իրանի էներգետիկայի նախարարի հետ տեղի են ունեցել են մի շարք քննարկումներ և բանակցություններ, որոնք շուտով կհանգեն որևէ արդյունքի:
Ինչ վերաբերում է գազի գինը սահմանին և սպառողին բոլորովին այլ գնով հասնելու խնդրին, նախարարն ընդգծեց, որ ՀՀ-ում գազը սահմանի վա ձեռք է բերում 150 դոլարով, ՀՀ ներսում վաճառք է իրականացնում միջինացված շուրջ 255 դոլար և դրանից 47 դոլարը ավելացրած արժեքի հարկն է: Նա նշեց, որ պետք է հաշվի առնել նաև լրացուցիչ ծախսերը: Այնուամենայիվ, հիմնավոր պատասխանը պետք է տա Հանրային ծառայությունները կարգավորող հանձնաժողովը:
