Պահել
Գլխավոր / Տեղեկատվություն / Բնական գազը` որպես վառելիք
Բնական գազը` որպես ավտովառելիք, էկոլոգիապես մաքուր և էժան լինելու շնորհիվ, տարեցտարի աշխարհում ավելի մեծ տարածում է ստանում: Ավտոմեքենաների շարժիչներում օգտագործվող սեղմված բնական գազը (ՍԲԳ) մինչև 200 ատմոսֆեր սեղմված մեթանն է: Վերջինիս հիմնական առավելություններից է օկտանի մեծ քանակությունը`115-110 (ամենաորակյալ բենզինի ցուցիչը 98 է), ավելի արդյունավետ այրումը և ցածր (մատչելի) գինը: Պատահական չէ, որ բնական գազն անվանում են 21-րդ դարի վառելիք: Բնական գազի մի շարք հատկանիշների շնորհիվ ավտոմեքենայի շարժիչի աշխատանքի ժամկետը երկարում է գրեթե 2 անգամ. տեղի է ունենում հավասարակշիռ այրում, ապահովվում է բարձր օկտանային թիվ, զգալիորեն պակասում են վնասակար արտանետումները, շարժիչի խափանման դեպքերը կրճատվում են 35-45%-ով, յուղի օգտագործման ժամկետը ավելանում է 30-40%-ով, շարժիչի աշխատանքը դառնում է ավելի հարթ ու հավասարակշիռ, քան բենզինով աշխատելու դեպքում է, իսկ աղմուկի մակարդակը իջնում է մինչև 2 Դբ (դեցիբել), ընդհանուր առմամբ շարժիչի աշխատանքի ժամկետը ավելանում է 1.5-2 անգամ:
ավելին
Ընդունված է գազով աշխատող մեքենաների անվտանգությունը գնահատել մոտ 2.5 անգամ ավելի բարձր, քան բենզինով աշխատող մեքենաներինը: Զարգացած երկրներում մթնոլորտի ընդհանուր աղտոտվածության 40-50%-ը կազմում են ավտոմեքենաների արտանետումները, որոշ երկրներում`մինչև 80-90%: Այսպես, հաշվարկված է, որ Միացյալ Նահանգներում բենզինով կամ դիզելային վառելիքով աշխատող ավտոմեքենաների թունավոր արտանետումների պատճառով հասցված միջին տարեկան վնասը կազմում է մոտ 120 դոլար, բնական գազի դեպքում վնասի մակարդակը կրճատվում է մոտ 25%-ով, իսկ անհրաժեշտ տեխնիկական միջամտություններ կատարելու դեպքում` վնասը կրճատվում է մոտ 2 անգամ: Հաշվարկված է, որ վնասակար գազերի արտանետումը բնական գազի դեպքում 1.5 անգամ քիչ է, քան բենզինի դեպքում, այդուհանդերձ, բացակայում են այնպիսի թունավոր նյութեր, ինչպիսիք են արճիճը, ծծումբը և այլն: Ըստ մասնագետների` բնական գազի զանգվածային օգտագործումր կարող է կրճատել« ջերմոցային էֆեկտը (ըստ որոշ մասնագիտական հետազոտությունների` մինչև 20%):
